قطع الكهرباء ممكن يعرض تجارتك لمخاطر كتيرة أو أجهزتك المنزلية للتلف أو تعطيل مصالحك أو شغلك، ده غير الفواتير المرتفعة كل شهر، والبحث عن بديل آمن ومستدام وصديق للبيئة من خلال الألواح والسخانات الشمسية بقى شيئ بيلجأ له كتير من الناس، بس التكلفة المرتفعة لشرائها كاش بتكون عائق دايما على الرغم أنها على المدى البعيد هتكون من أكتر مصادر توفير المال بالنسبالك.

علشان كده شركة أدڤا عملت حساب التكلفة العالية، وقدمتلك الطاقة الشمسية بالتقسيط بتمويل يصل إلى 5 مليون جنيه حسب مصدر الدخل، وعلى فترات سداد طويلة ومرنة، وبأبسط الإجراءات ومن غير شروط معقدة، وكمان أقل سعر فائدة، عشان تستفيد وما تضطرش تدفع كاش.. ووفر عند استخدام الطاقة وحس بالاستقلالية والاستدامة!

الطاقة الشمسية بالتقسيط 

تقليل الفاتورة والاعتماد على مصدر طاقة متجدد ومستدام وغير قابل للنفاذ بقى من الضروريات في الوقت الحالي خصوصًا مع قطع الكهرباء، والحل الوحيد هو الاتجاه للطاقة الشمسية للاعتماد عليها بشكل كلي بسبب كمان مميزاتها الكتيرة، واللي من أبرزها: توليد وترشيد الكهرباء، وتقليل الفواتير، ومش بس كده لا! وكمان للاستثمار سواء في بيتك أو في أي مؤسسة أو شركة أو مصنع!، وقبل ما نقولك إزاي ممكن تستفاد من الطاقة الشمسية في الاستثمار وإيه هي فوائدها؛ تعالى نعرفك الأول مين شركة أدڤا، وإزاي ممكن تقدم على تقسيط الطاقة الشمسية من خلالها؟

شركة أدڤا هي أول شركة تقسيط خدمات في مصر، واللي بتكون عبارة عن وسيط بينك وبين الجهة اللي هتقدملك الخدمة، وهدف الشركة من تقسيط الخدمات أنها تساعدك في أنك ما تدفعش أي حاجة كاش وتزنق نفسك، بالعكس تقدر تستفاد من أي خدمة أنت عايزها، وتدفع على فترات سداد طويلة ومرنة بتختارها بنفسك.. طب لسه مش فاهم إزاي ده بيحصل؟ هنقولك.

اللي بيحصل أنك بتختار الشركة اللي عايزها تركبلك ألواح وسخانات الطاقة الشمسية بنفسك، ومهما كانت تكلفتها وتكلفة المعدات المستخدمة في تركيبها وتثبيتها وتشغيلها، شركة أدڤا هتدفع المبلغ كامل لشركة تركيب الطاقة الشمسية اللي أنت هتختارها، وبعد كده أنت هتقسط المبلغ اللي اتدفع لأدڤا بالقسط على فترات سداد مريحة بتختارها بنفسك برضه، واللي بتبدأ من 6 شهور وحتى 60  شهر.

طب إيه الشروط والإجراءات اللي بتحتاجها عشان التقسيط وإزاي التمويل بيتحدد، هنوضحلك كل حاجة بس الأول خلينا نقولك شوية معلومات ممكن تهمك عن الطاقة الشمسية.

ألواح وسخانات الطاقة الشمسية

علشان تقدر تستخدم الطاقة الشمية في بيتك أو في مصنعك أو مزرعتك فانتا محتاج تشتري ألواح وسخانات الطاقة الشمسية اللي بيتواجد منها أنواع كتير ومن خلال شركات تركيب الطاقة الشمسية بالتقسيط المتعاقدة مع شركة أدڤا؛ تقدر تختار نوع الألواح أو السخانات الشمسية المناسبة للمنطقة أو المشروع أو البيت اللي عايز تركبها فيه، وفي السطور التالية هنعرضلك أبرز هذه الشركات.

شركات تركيب الطاقة الشمسية بالتقسيط

شركة أدڤا متعاقدة مع أفضل شركات تركيب الألواح الشمسية بمختلف عدد الألواح وقدرها وأفضل الأنواع، واللي كمان بتوفر أحدث الآلات والمعدات اللي بتساعد على تثبيت الألواح مع أجود بطاريات وأفضل إنفرتر، وكمان أفضل السخانات الشمسية واللي هتضمنلك توفير مياه دافية في أي وقت، ده غير التوفير الكبير في الفواتير، ومن أبرز شركات الطاقة الشمسية بالتقسيط المتعاقدة مع أدڤا:

• Taqa electric
• The Egyptian company for solar energy
• sunrise solar solutions
• orgate
• Open door

بنفكرك أنك تقدر تختار الشركة اللي عايزها خارج شبكة المتعاقدين مع شركة أدڤا بس ساعتها هتدفع مبلغ بسيط إضافي كمصاريف إدارية.

أسعار ألواح الطاقة الشمسية في مصر

بتختلف أسعار ألواح الطاقة الشمسية في مصر حسب عوامل كتيرة واللي منها:

• نوع الألواح المستخدمة وحجمها.
• الهدف من استخدامها سواء كان في المنزل أو الصناعة أو الزراعة وغيرهم.
• شركة البيع.
• سعر الكيلو واط من الطاقة الشمسية واللي بيوصل في الوقت الحالي لحوالي 14 جنيه مصري، وهو قابل للزيادة؛ يعني لوح طاقة شمسية بـ1000 واط بيوصل لـ14 ألف جنيه مصري.

أسعار السخانات الشمسية في مصر

أسعار السخانات الشمسية كمان سعرها بيتوقف على عوامل كتيرة منها: 

• نوع السخان.
• سعة السخان واللي بتبدأ من 100 لتر وحتى 400 لتر، ويتراوح سعر سخان شمسي 100 لتر ما بين 17,500 و25,600 جنيه مصري، وسخان شمسي 400 لتر ما بين 35,900 و70,500 جنيه مصري، وكلها أسعار قابلة للزيادة.

شروط وخطوات تقسيط ألواح وسخانات الطاقة الشمسية

عن طريق خطوات بسيطة وورقتين بس تقدر تقدم على تركيب الطاقة الشمسية بالتقسيط مع أدڤا، ونبدأ بالأوراق:

• الأوراق بتكون عبارة عن: تقديم بطاقتك الشخصية، وإثبات مصدر الدخل واللي ممكن يكون: مفردات مرتب أو كشف حساب بنكي، المعاش، شهادة أو وديعة بنكية، السجل التجاري وبطاقة ضريبية، عضوية النادي، رخصة عربيتك، بطاقة ائتمان أو تسهيل بنكي، إيجار موثق في الشهر العقاري.
• وبالنسبة لخطوات التقديم بتبدأ بأنك هتضغط على تقسيط الطاقة الشمسية وبعد كده هتملأ البيانات اللي هتظهر قدامك وهي:
• اسمك الأول.
• اسمك الأخير.
• رقم موبايلك.
• نوع الخدمة: البيت الذكي.
• اسم مقدم الخدمة.
• رقم مقدم الخدمة.
• عنوان مقدم الخدمة.
• أية معلومة إضافية تحب تضيفها.
• إجمالي التكلفة.
• خطة الأقساط المناسبة ليك من ضمن: (6 شهور – 9 شهور – 12 شهر – 18 شهر – 24 -48 – 60  شهر.)
• بعد كده اضغط على قدم طلبك، وهنتواصل معاك في خلال نصف ساعة فقط وبحد أقصى 48 ساعة عشان نبدأ إجراءات التقسيط بتمويل يصل إلى 5 مليون جنيه، واللي بيتحدد حسب مصدر الدخل.

نحب نقولك كمان أنك من خلال شركة أدڤا تقدر تقسط أكتر من خدمة في نفس الوقت يعني مع تقسيط الطاقة الشمسية تقدر تقسط فاتورة الكهرباء أو تشطيب بالتقسيط وغيرها من الخدمات.

استخدامات الطاقة الشمسية

في استخدامات كتيرة مهمة للطاقة الشمسية منها: 

• تسخين المياه عن طريق تركيب سخانات الطاقة الشمسية.
• تقطير الماء المالح عشان يكون صالح للشرب، واللي ممكن يستخدم في الزراعة.
• تشغيل محطات إنارة للمزارع السمكية والدواجن.
• بتستخدم في المنازل أيًا كانت نوعها وكمان بتستخدم في تدفئتها.
• إنارة الأعمدة في الشوارع والنوادي.
• بتستخدم في المصانع المختلفة، ومراكب الصيد.
• تشغيل الأجهزة الكهربائية.
• شحن المولدات الكهربائية.
• شحن بطاريات الطاقة الشمسية.

مميزات الطاقة الشمسية

الطاقة الشمسية ليها مميزات كتيرة شجعت ناس أكتر من أصحاب المنازل والشركات والمؤسسات والمصانع على الاتجاه ليها لاستخدامها والاعتماد عليها في توليد الكهرباء وتسخين المياه، وكمان استخدامها في الري والزراعة! بدلًا من الأساليب التقليدية اللي بتعتمد على الوقود الأحفوري من نفط وغاز وفحم حجري واللي قربت على الانتهاء ده غير تكلفتها الكبيرة، ومن أبرز مزايا الطاقة الشمسية واللي هتشجعك أنت كمان على الاتجاه للاعتماد عليها:

• توفير المال: يكون توفير المال عند الاعتماد على الطاقة الشمسية في توليد الكهرباء أو تسخين المياه كبير جدًا، على الرغم من تكلفة تركيب الألواح والسخانات الشمسية في الأول، بس بعد كده هتحس بالتوفير خاصةً مع التخلص من فواتير الكهرباء نهائيًا؛ وبالتالي فتركيب ألواح الطاقة الشمسية هيساعدك على توفير مصاريف الكهرباء حتى في أماكن الإنشاءات في الصحراء.
• الاستقلالية: الطاقة الشمسية هتحسسك بالاستقلالية عند توليد الطاقة الكهربائية، أو تخزينها عند الحاجة عن طريق البطاريات اللي ممكن تقسطها هي كمان! وبكده بيتك أو شركتك هيفضل فيهم كهرباء حتى لو اتقطع التيار الكهربائي.
• الاستثمار: تركيب ألواح الطاقة الشمسية في بيتك مثلًا هيرفع من قيمته لو حبيت تبيعه في أي وقت، وكمان ممكن تبيع الطاقة المولدة لشركات توزيع الكهرباء القومية من خلال ربط المحطة بشكبة كهرباء.
• طاقة متجددة: الطاقة الشمسية واحدة من مصادر الطاقة المتجددة اللي بتعتمد على الطاقة المستمدة من الشمس، واللي هتساعدك في التخلص من الاعتماد على الوقود الأحفوري اللي قرب على النفاذ.
• صديقة للبيئة: الطاقة الشمسية صديقة للبيئة؛ لأنها مصدر للطاقة غير الملوثة؛ فمش هتسبب أي نوع من أنواع التلوث أو أي ضرر للهواء، وكمان ما لهاش تأثير سلبي في تغير المناخ والاحتباس الحراري، غير أن التكنولوجيا المستخدمة في إنتاجها غير مضرة للبيئة.
• الاستدامة: زي ما قلنا قبل كده، الطاقة الشمسية هي البديل الأمثل لمنتجات الوقود الأحفوري واللي قربت على النفاذ، على عكس الطاقة الشمسية اللي بتعتمد على أشعة الشمس؛ وبالتالي هي مش قابلة للنفاذ.
• تكلفة صيانة قليلة: تحتاج ألواح الطاقة الشمسية إلى صيانة قليلة مقارنة مع مصادر الطاقة التقليدية، واللي هتكون برضه سبب في توفير المال.

لو كنت من أصحاب المشاريع أو المؤسسات الضخمة، عندك شركة أو مصنع أو منزل، وبتدور على أفضل شركات تركيب ألواح الطاقة الشمسية أو السخانات الشمسية أو حتى تركيب محطة ري بالطاقة الشمسية؛  هنعرضلك أفضل شركات تركيبات الطاقة الشمسية بالتقسيط المتعاقدة معاها شركة أدڤا، واللي ممكن تختار من ضمنها أو تختار من أي شركة تانية خارج شبكة المتعاقدين مع أدڤا،  بس ساعتها هتدفع مبلغ بسيط إضافي كمصاريف إدارية، وفي الحالات كلها التمويل بيتحدد حسب مصدر الدخل وممكن بيوصل لـ5 مليون جنيه.. بس الأول خلينا نوضحلك أبرز أنواع ألواح الطاقة الشمسية والسخانات الشمسية.