بتحلم تدرس المحاماة أو الهندسة أو الصيدلة في جامعة من أحسن الجامعات في مصر بس مش عايز تدفع المصاريف كلها مرة واحدة كاش؟ شركة أدڤا -أول شركة تقسيط خدمات في مصر- بتقدملك خدمة تقسيط مصاريف الجامعة الألمانية  بالتقسيط على فترات سداد طويلة ومرنة بتختارها بنفسك وبأقل سعر فائدة ومن غير أي شروط صعبة أو معقدة للتقديم والحصول على الخدمة.. وما تخليش حاجة تقف في طريق تحقيق حلمك وتحديد مستقبلك.

تقسيط مصاريف الجامعة الألمانية

الجامعة الألمانية هي جامعة مصرية خاصة تم تأسيسها سنة 2002 بالتعاون مع جامعتي أولم وشتوتغارت الحكوميتين الألمانيتين تحت رعاية وزارة التعليم العالي المصرية ووزارة البحث العلمي والفنون وحكومة ولاية بادن فورتمبيرغ الألمانية، وعشان تقدر تحقق حلمك بالالتحاق بيها من غير ما حاجة تقف قدامك وتتأهل صح لسوق العمل بعد التخرج؛ شركة أدڤا بتساعدك في دفع مصاريف الجامعة.. إزاي؟

اللي بيحصل أن أدڤا بتساعدك في دفع المصاريف كلها المطلوبة منك كاش للجامعة، وبعد كده أنت بتسدد المصاريف لأدڤا بالتقسيط على فترات سداد طويلة ومرنة بتختارها بنفسك بتوصل لـ12 شهر.

 وبتكون مصاريف الجامعة المطلوب منك أنك تدفعها كالآتي:

كليات الجامعة الألمانية GUC

في 7 تخصصات داخل جامعة GUC، هي:

• كلية هندسة وتكنولوجيا الإعلام
• كلية هندسة وتكنولوجيا المعلومات
• كلية الهندسة وعلوم المواد
• كلية الصيدلة والتكنولوجيا الحيوية
• كلية تكنولوجيا الإدارة
• كلية العلوم التطبيقية والفنون
• كلية الحقوق والدراسات القانونية

مصاريف الجامعة الألمانية

كليات الهندسة

•  الفئة الأولى 123,400 جنيه مصري.
• الفئة الثانية 139,900 جنيه مصري.
• الفئة الثالثة 160,000 جنيه مصري.

كلية تكنولوجيا الإدارة

•  الفئة الأولى 123,400 جنيه مصري.
• الفئة الثانية 139,900 جنيه مصري.
• الفئة الثالثة 160,000 جنيه مصري.

كلية الصيدلة والتكنولوجيا الحيوية

•  الفئة الأولى 107,500 جنيه مصري.
• الفئة الثانية 126,900 جنيه مصري.
• الفئة الثالثة 145,000 جنيه مصري.

كلية الحقوق والدراسات القانونية

•  الفئة الأولى 79,400 جنيه مصري.
• الفئة الثانية 93,750 جنيه مصري.
• الفئة الثالثة 107,250 جنيه مصري.

كلية العلوم التطبيقية والفنون

•  بتكون المصاريف للفئات كلها 118,600 جنيه مصري.

وطبعا المصاريف دي قابلة للزيادة مع اختلاف كل سنة دراسية.

خطوات التقديم في الجامعة الألمانية

القبول في الجامعة الألمانية تنافسي جدًا وعشان كده لازم تلحق تقدم بدري وبيكون التقديم من خلال موقع الجامعة الألمانية.

وبمجرد اكتمال تقديم طلب الالتحاق الإلكتروني، هتستلم رقم طلب الالتحاق الخاص بيك بالجامعة الألمانية، وكمان هتستلم بريد إلكتروني من مكتب القبول بالجامعة يوضحلك الخطوة التالية في عملية تقديم طلب الالتحاق.

الشروط والأوراق المطلوبة للتقديم في الجامعة الألمانية

لو أنت طالب ثانوية عامة وعايز تلتحق بالجامعة الألمانية في مصر؛ في أوراق وشروط مطلوبة منك وهي إنك لازم تحصل على الحد الأدنى من النسب المئوية اللي هيحددها مكتب القبول بالجامعة. وتقدم الأوراق دي: 

• شهادة الثانوية العامة المصرية الأصلية أو مستخرج رسمي مصدق منها.
• بيان درجات معتمد (كشف درجات) يظهر نتائج الثانوية العامة.
• شهادة ميلاد أصلية.
• 6 صور شخصية حديثة بمقاس صورة جواز السفر (لا تزيد مدة التقاطها عن سنة).
• نموذج الخدمة العسكرية (نموذج تجنيد 2 جند) للذكور فقط.

ولو أنت في نظام الثانوية البريطانية أو الألمانية أو الأمريكية أو الكندية أو الفرنسية أو ثانوية من دولة عربية غير مصر أو البكالوريا الدولية أو Fachoberschule FOS في شروط وأوراق تانية بتطلب من كل نظام واللي تقدر تعرفها بالتفصيل عن طريق موقع الجامعة الألمانية في مصر.

خطوات تقسيط مصاريف الجامعة الألمانية GUC

بخطوات بسيطة تقدر تقسط خدمتك عن طريق أدڤا، واللي بتبدأ بالضغط على خدمة تقسيط مصاريف الجامعات الخاصة، وبعد كده تملأ الفورم اللي هيظهر قدامك، واللي هيكون فيه:

1. اسمك الأول والأخير، ورقم موبايلك. 
2. المرحلة التعليمية (الجامعات.)
3. إجمالي المصاريف المطلوبة منك واللي عايز تقسطها.
4. خطة التقسيط المناسبة ليك من بين: (6 شهور – 9 شهور – 12 شهر.)
5.  وأخيرًا تضغط على تقديم الطلب، وهنتواصل معاك خلال 48 ساعة بحد أقصى عشان تبدأ في إجراءات التقسيط.

الأوراق المطلوبة لتقسيط مصاريف الجامعة الألمانية GUC

شركة أدڤا مش بتطلب منك أوراق صعبة أو شروط معقدة لتقسيط خدمتك عشان تقدر تحقق حلمك بسهولة، ومن الأوراق اللي بتطلبها:

•  بطاقتك الشخصية (بطاقة الرقم القومي سارية.)
• أي إثبات لمصدر الدخل، زي: رخصة عربيتك، أو السجل التجاري وبطاقة ضريبية، أو كشف حساب بنكي، أو إيجار موثق في الشهر العقاري، أو المعاش، أو شهادة وديعة بنكية، أو بطاقة ائتمان تسهيل بنكي، أو عضوية نادي، أو شهادة وديعة بنكية، أو مفردات مرتب.

وبكده نكون عرفناك كل حاجة تخص خدمة تقسيط مصاريف الجامعة الألمانية.. نحب نعرفك أنك تقدر من خلالنا تقسط أكتر من خدمة في نفس الوقت؛ يعني مع تقسيط المصاريف تقدر تقدم على تقسيط مصاريف الجامعات الخاصة أو تقسيط مصاريف الجامعات الحكومية أو تقسيط مصاريف المدارس، أو تقسيط الدورات التدريبية والكورسات، وغيرها من الخدمات.