Newgiza University واحدة من الكليات الخاصة المميزة في مصر واللي فيها مجالات دراسية كتيرة واللي تقدر من خلال شركة أدڤا -أول شركة تقسيط خدمات في مصر- أنك تحقق حلمك بالالتحاق بيها ودراسة المجال اللي بتحبه من غير أي تنازلات وبالقسط! من خلال خدمة تقسيط مصاريف جامعة نيو جيزة اللي بتقدمهالك ADVA على أطول فترة سداد ومن غير أي تعقيدات وما تشيلش هم المصاريف والدفع كاش.

تقسيط مصاريف جامعة نيو جيزة

التنسيق عالي؟ مش هتلحق الكلية اللي بتحلم بيها؟ المجموع وقف معاك على درجة؟ لسه عندك الفرصة تحقق حلمك وتدخل الكلية اللي بتتمناها من غير أي تنازلات ومن غير ما تدفع المصاريف كاش عن طريق خدمة التقسيط اللي بتقدمهالك شركة أدڤا، طب هو إيه اللي بيحصل بالظبط؟ 

اللي بيحصل أنك بتختار الكلية اللي عايز تدرس فيها ضمن كليات جامعة الجيزة الجديدة؛ وبعد كده بتكلمنا في أدڤا اللي هتساعدك في دفع المصاريف كاملة كاش مرة واحدة! وبعدين أنت هتسدد المصاريف بالتقسيط على فترات سداد طويلة ومرنة بتختارها بنفسك بتوصل لـ12 شهر.

كليات جامعة نيو جيزة

في جامعة نيو جيزة هتلاقي 8 كليات بتخصصات مختلفة عشان تقدر تدرس اللي بتحلم بيه، وهي:

• كلية فنون جميلة.
• كلية الهندسة وهي في شراكة أكاديمية مع University College London.
• كلية الطب وتتعاون أكاديميًا مع University College London.
• كلية طب الأسنان تتعاون أكاديميًا مع University College London.
• كلية الصيدلة تتعاون أكاديميًا مع University College London.
• كلية إدارة الأعمال.
• كلية السياسة والاقتصاد تتعاون أكاديميًا مع King’s College London.
• كلية تكنولوجيا المعلومات تتعاون مع أبرز المؤسسات في مجال التكنولوجيا IBM. 

اختيار الكلية عليك والكاش علينا!

خطوات التقديم في جامعة الجيزة الجديدة New Giza

عملية تقديمك في جامعة الجيزة الجديدة هتعدي بـ8 خطوات، هي:

1. الخطوة الأولى: املأ طلب الالتحاق الإلكتروني للعام الدراسي 2024 – 2025.
2. الخطوة التانية: تقديم الطلب ودفع رسوم التقديم (1500 جنيه مصري) عن طريق بطاقة الائتمان “غير قابلة للاسترداد.”
3. الخطوة التالتة: هتوصلك رسالة إلكترونية لإبلاغك باستلام رسالة تأكيد ورقم طلبك في جامعة الجيزة الجديدة خلال 48 ساعة عمل.
4. الخطوة الرابعة: الرد على رسالة التأكيد بجميع الأوراق المطلوبة، واللي بتختلف من ثانوية عامة عن الدبلومة الكندية عن IGCSE، وتقدر تعرفها من هنا: الأوراق المطلوبة للتقديم في جامعة نيو جيزة 2024، وبتتبعت على الإيميل كنسخ ضوئية (scanned copies.)
5. الخطوة الخامسة: هيتم دعوتك لمقابلة شخصية خلال 48 ساعة عمل، والمتقدمين لكلية الهندسة المعمارية والفنون الجميلة هيخضعوا لاختبار قدرات.
6. الخطوة السادسة: هيتم قبولك بشكل مؤقت بمجرد استيفاء متطلبات ومعايير الجامعة مع الالتزام بقواعد ولوائح وزارة التعليم العالي.
7. الخطوة السابعة: دفع القسط الأول وتقديم المستندات الأصلية والمختومة والمصدقة خلال الموعد النهائي المحدد واللي هيتبعت في رسالة القبول المؤقت.
8. الخطوة التامنة والأخيرة: إدارة القبول بالجامعة هتحمل أسماء الطلاب المقبولين على موقع الوزارة الإلكتروني، وهتبعت المستندات الرسمية للطلاب إلى وزارة التعليم العالي للتسجيل.

مصاريف جامعة نيو جيزة 

لم تعلن جامعة الجيزة الجديدة عن مصاريف كلياتها للسنة الدراسية الجديدة 2024 – 2025، وكانت المصاريف السنة اللي فاتت:

• كلية فنون جميلة: 156,750 جنيه مصري + 750 دولار أمريكي.
• كلية الهندسة: 152,250 جنيه مصري + 750 دولار أمريكي.
• كلية الطب: 210,000 جنيه مصري + 1000 دولار أمريكي.
• كلية طب الأسنان: 195,000 جنيه مصري + 1000 دولار أمريكي.
• كلية الصيدلة: 123,600 جنيه مصري + 500 دولار أمريكي.
• كلية إدارة الأعمال: 180,000 جنيه مصري.
• كلية السياسة والاقتصاد: 127,950 جنيه مصري + 750 دولار أمريكي.
• كلية تكنولوجيا المعلومات: 154,400 جنيه مصري.

قدم دلوقتي وادفع بالتقسيط على 12 شهر

خطوات تقسيط مصاريف جامعة نيو جيزة مع أدڤا 

عشان تقسط مصاريف كلية من كليات جامعة الجيزة الجديدة عن طريق شركة أدڤا، هتحتاج الأول أنك تضغط على خدمة تقسيط مصاريف الجامعات الخاصة؛ وبعد كده هيظهرلك فورم املأ البيانات اللي فيه، وهي:

1. اسمك الأول والأخير، ورقم موبايلك. 
2. المرحلة التعليمية (الجامعات.)
3. إجمالي المصاريف المطلوبة منك واللي عايز تقسطها.
4. خطة التقسيط المناسبة ليك من بين: (6 شهور – 9 شهور – 12 شهر.)
5.  وأخيرًا اضغط على تقديم الطلب، وهنتواصل معاك خلال 48 ساعة بحد أقصى عشان تبدأ في إجراءات التقسيط.

الأوراق المطلوبة لدفع مصاريف جامعة نيو جيزة بالقسط

تقسيط مصاريف جامعة الجيزة الجديدة عن طريق شركة أدڤا بيحتاج أنك تقدم أوراق بسيطة بعيدًا عن التعقيدات عشان مافيش حاجة تقف في طريق تحقيق حلمك، وهي:

• بطاقتك الشخصية (بطاقة الرقم القومي سارية.)
• أي إثبات لمصدر الدخل، زي: رخصة عربيتك، أو السجل التجاري وبطاقة ضريبية، أو كشف حساب بنكي، أو إيجار موثق في الشهر العقاري، أو المعاش، أو شهادة وديعة بنكية، أو بطاقة ائتمان تسهيل بنكي، أو عضوية نادي، أو شهادة وديعة بنكية، أو مفردات مرتب.

وبكده نكون عرفناك كل حاجة تخص تقسيط مصاريف جامعة نيو جيزة.. نحب نعرفك أنك تقدر من خلالنا تقسط أكتر من خدمة في نفس الوقت؛ يعني مع تقسيط المصاريف تقدر تقدم على تقسيط مصاريف جامعات خاصة تانية أو تقسيط مصاريف الجامعات الأهلية أو تقسيط مصاريف المدارس، أو تقسيط الدورات التدريبية والكورسات، وغيرها من الخدمات.