ابنك خلص إعدادية وعايز تقدمله في MICA عشان يتعلم واحدة من أهم المجالات في الوقت الحالي في العالم، وهي برمجة تطبيقات الحاسب الآلي، بس مش عايز تدفع كاش؟ شركة أدڤا -أول شركة تقسيط خدمات في مصر- بتقدملك خدمة مصاريف أكاديمية مصر الدولية للحاسبات بالتقسيط على فترات سداد طويلة ومرنة بتختارها بنفسك ومن غير أي شروط صعبة ومعقدة تعطل دخول ابنك الأكاديمية وبأقل سعر فائدة.. وأمنله مستقبله.

مصاريف أكاديمية مصر الدولية للحاسبات بالتقسيط 

تقدر دلوقتي تخطط لمستقبل ابنك بشكل مختلف بعيد عن مسار الثانوية العامة وتخليه يتعلم برمجة تطبيقات الحاسب الآلي بعد الإعدادية علطول في أكاديمية مصر الدولية للحاسبات، ولو عايز تحقق ده من غير ما تدفع كاش تقدر تقسط المصاريف كلها كاملة مهما كانت عن طريق شركة أدڤا.. طب إزاي؟ اللي بيحصل أن شركة أدڤا بتدفع المصاريف المطلوبة منك كاملة للأكاديمية كاش، وبعد كده أنت بتسدد المبلغ ده بالتقسيط.

بشتمل المصاريف مصروفات أساسية ومصروفات إضافية، والمصروفات الإضافية بتشمل الكتب، والأنشطة، والامتحانات الدولية، والحساب الإلكتروني، وبتتقسم على 4 أقساط طول العام الدراسي، والسنة الدراسية اللي فاتت كانت المصاريف المطلوبة:

• قسم البرمجيات: القسط الأول 7500جنيه مع الملف – القسط الثاني 2500 جنيه قبل 1 سبتمبر – القسط الثالث 3500 جنيه قبل 1 نوفمبر – القسط الرابع 3500 جنيه قبل 1 يناير.
• قسم الحاسب الآلي: القسط الأول 6500 جنيه مع الملف – القسط الثاني 2000 جنيه قبل 1 سبتمبر – القسط الثالث 3000 جنيه قبل 1 نوفمبر – القسط الرابع 2500 جنيه قبل 1 يناير.
• قسم الذكاء الاصطناعي: القسط الأول 9000 جنيه مع الملف – القسط الثاني 2000 جنيه قبل 1 سبتمبر – القسط الثالث 5000 جنيه قبل 1 نوفمبر – القسط الرابع 5000 جنيه قبل 1 يناير.

** ومصاريف السنة الدراسية الجديدة 2024 – 2025  لسه ما اتحددتش، وممكن تكون مختلفة عن مصاريف 2024.

أكاديمية مصر الدولية للحاسبات

• أكاديمية مصر هي عبارة عن مدرسة برمجة بعد الإعدادية بنظام 3 سنوات، وهي أول أكاديمية تدريب مهني دولية لتعليم البرمجيات والحاسب الآلي والشبكات تم تأسيسها تحت إدارة شركتي نـت سكيل وتيرا للبرمجيات، مع عقد بروتوكول تعاون مع مصلحة الكفاية الإنتاجية والتدريـب المهنـي تحت إشـراف وزارة التجارة والصناعـة.
• وطلابها بيحصلوا علـى شهادات دولية معتمــدة متخصصـة فـي مجال البرمجيات ونظم المعلومات والحاسبات، وبتأهل الطالب للحصول علـى دبلـوم التلمـذة الصناعية المعتمـدة مـن وزارتي التجـارة والصناعة ووزارة التربية والتعليم.
• وفي قسمين للدراسة، هما: مبرمـج تطبيقــات الحاسب الآلـي، وصيانة الحاسب الآلي والشبكات.

شروط الالتحاق بأكاديمية مصر الدولية

• بتقبل الأكاديمية الحاصلين على الشهادة الإعدادية العامة والأزهرية، وأصحاب الجنسيات الأخرى.
• وبيكون في اختبار قدرات، اختبار تحريري في العربي والإنجليزي والرياضيات، واختبار تاني تأهيلي عبارة عن كورس تدريبي لمدة أسبوع فى مجال أساسيات البرمجة والحاسب الآلي والشبكات وبيتم التقييم من خلال قياس قدرة الطالب على استيعاب المعلومات ومدى مناسبة المنهج لقدراته العقلية والذهنية.
•  وكمان بيكون في مقابلة شخصية، وبتكون مقابلة نهائية قبل الالتحاق مباشرة، وبتم بمعرفة وزارة التجارة والصناعة للتأكد من قدرات الطالب اللي هتأهله للالتحاق بالأكاديمية.

الأوراق المطلوبة للتقديم في أكاديمية مصر الدولية للحاسبات

من الأوراق المطلوبة للتقديم في الأكاديمية:

• شهادة إتمام المرحلة الإعدادية ومستخرج بيان نجاح.
• شهادة ميلاد كمبيوتر أصل حديثــة وصورتين منها.
• عدد 8 صور 4 * 6.
• صورة بطاقة ولـي الأمر
• 4 ورقات دمغة جنيه.
• شهادة صحية من مستشفى حكومي تشمل كشف صدر، وباطنة، وقلب ، ورمد بصورة شخصية للطالب.
• شهادة سلوك من مدرسته الإعدادية.
• 10 أظرف بريد و 15 جنيه طوابع بريد مسجل فئة واحد جنيه.
• بطاقة صحية.
• حافظة مستندات. 

وده طبعا بعد اجتياز امتحان القدرات والمقابلة الشخصية للطالب وولي الأمر، ويمكنك التقديم الإلكتروني من خلال الضغط على استمارة التقديم الإلكتروني.

خطوات تقسيط مصاريف أكاديمية مصر الدولية للحاسبات

كل اللي عليك تعمله عشان تقسط مصاريف الأكاديمية أنك تضغط على تقسيط مصاريف الجامعات الخاصة وهتظهرلك بيانات عليك أنك تملأها، وهي:

• اسمك الأول والأخير، ورقم موبايلك.
• المرحلة التعليمية (الجامعات.)
• إجمالي المصاريف اللي عايز تقسطها.
• بعدين خطة التقسيط المناسبة ليك من بين: (6 شهور – 9 شهور – 12 شهر.)
• وأخيرًا اضغط على تقديم الطلب، وهنتواصل معاك خلال 48 ساعة بحد أقصى عشان تبدأ في إجراءات التقسيط.

الأوراق المطلوبة لدفع مصاريف أكاديمية مصر الدولية للحاسبات بالقسط

من غير شروط وإجراءات صعبة هتقدر تقسط مصاريف أكاديميتك عن طريق شركة أدڤا، ومن الأوراق المطلوبة للتقسيط:

1. بطاقتك الشخصية (بطاقة الرقم القومي سارية.)
2. أي إثبات لمصدر الدخل، زي: كشف حساب بنكي، أو إيجار موثق في الشهر العقاري، أو رخصة عربيتك، أو السجل التجاري وبطاقة ضريبية، أو المعاش، أو شهادة وديعة بنكية، أو بطاقة ائتمان تسهيل بنكي، أو عضوية نادي، أو شهادة وديعة بنكية، أو مفردات مرتب.

وبكده نكون عرضنالك كل اللي يخص مصاريف أكاديمية مصر الدولية للحاسبات بالتقسيط؛ تقدر كمان عن طريق شركة أدڤا تقسط أكتر من خدمة في نفس الوقت يعني مع تقسيط المصاريف تقدر كمان تقدم على تقسيط الدورات التدريبية والكورسات وأي خدمة محتاجها من عشرات الخدمات اللي بتقدمها أدڤا.