بتفكر كتير هتدفع مصاريف الجامعة إزاي السنة دي مع ارتفاع الأسعار؟ أدڤا -أول شركة تقسيط خدمات في مصر- بتقدملك الحل من خلال خدمة دفع مصاريف الجامعة العربية المفتوحة بالتقسيط على 12 شهر، من غير شروط معقدة ولا إجراءات طويلة.

مصاريف الجامعة العربية المفتوحة بالتقسيط

عشان شركة أدڤا هدفها الأساسي تسهل عليك حياتك بتوفرلك إمكانية دفع جميع الخدمات اللي ممكن تحتاجها ومن ضمنها خدمات الدراسة والتعليم، فمن خلالنا تقدر تقسط المصاريف الدراسية لكل الجامعات في مصر ومن ضمنها الجامعة العربية المفتوحة علشان تضمن الحصول على جودة تعليم عالمية بمناهج وكتب بيتم دراستها في بريطانيا.

 أدڤا بتقدملك إمكانية تقسيط مصاريف جامعتك معاها على فترات سداد مرنة تختارها بنفسك من 6 شهور وحتى 12 شهر بأقل سعر فائدة.

أما بالنسبة للتكلفة ومصروفات الدراسة، فالجامعة العربية المفتوحة أعلنت عن مصاريف الساعة فيها للعام الدراسي 2023 – 2024، واللي هتكون 70 دولار أمريكي. وهيتم احتساب سعر الصرف ​12.23 جنيه مصري للدولار للطلاب المستمرين.

في حين أن سعر الصرف المعتمد للطلاب الملتحقين بالجامعة في العام الدراسي 2023 -2024  هو 13.71 جنيه مصري للدولار.

وقبل ما نقول لك تفاصيل أكتر؛ نحب نوضحلك إزاي أدڤا بتساعدك تقسط معاها.

بتقوم طريقة التقسيط مع شركة أدڤا على أنها هتدفع لك المصاريف المطلوبة منك للالتحاق بالجامعة العربية كاملة. وبعد كده أنت هتقسط المبلغ، اللي أدڤا دفعته للجامعة، لشركة أدڤا نفسها، على فترات سداد بتبدأ من 6 شهور وحتى 12 شهر، وفي إيدك أنت بس أنك تختار المدة اللي حابب تقسط عليها، سواء 6 شهور، 9 شهور، أو 12 شهر.

خطوات تقسيط مصاريف الجامعة العربية المفتوحة

لأن بداية الدراسة مش بتستنى؛ أدڤا سهلت عليك خطوات التسجيل لتقسيط مصاريف الجامعة العربية المفتوحة، واللي بتكون عبارة عن:

• كتابة اسمك الأول والأخير، ورقم موبايلك.
• بعد كده هتختار المرحلة التعليمية (الجامعات.)
• بعدين هتكتب إجمالي المصاريف اللي عايز تقسطها، وتختار خطة التقسيط من بين: (6 شهور – 9 شهور – 12 شهر.)
• وآخر خطوة هي الضغط على تقديم الطلب.

بعد ما تخلص الخطوات دي، واللي مش هتاخد منك غير ثواني؛ هنتواصل معاك خلال 30 دقيقة فقط، أو بحد أقصى 48 ساعة عشان تبدأ في إجراءات التقسيط.

الأوراق المطلوبة لتقسيط مصاريف الجامعة العربية المفتوحة 

انسى تعقيدات شروط التقسيط المعتادة مع شركة أدڤا؛ لأنها تقريبًا مش بتحط شروط؛ لأن كل اللي هتحتاجه من أوراق عشان تقسيط مصاريف الجامعة العربية المفتوحة، هي:

• تقديم بطاقتك الشخصية (بطاقة الرقم القومي سارية المفعول.)
• أي إثبات لمصدر الدخل واللي ممكن يكون: شهادة وديعة بنكية، أو مفردات مرتب، أو كشف حساب بنكي، أو إيجار موثق في الشهر العقاري، أو رخصة عربيتك، أو السجل التجاري وبطاقة ضريبية، أو المعاش، أو شهادة وديعة بنكية، أو بطاقة ائتمان تسهيل بنكي، أو عضوية نادي.

تفاصيل الدراسة والكليات في الجامعة العربية المفتوحة 

الجامعة العربية المفتوحة هي مؤسسة تعليمية عالية غير هادفة للربح تابعة للجامعة المفتوحة بإنجلترا، وبيتدرس فيها جميع المقررات الدراسية اللي بتتدرس في المملكة المتحدة، والكتب التعليمية الدراسية الخاصة بيها.

ويتكون العام الدراسي فيها من فصلين دراسيين وفصل صيفي واحد، وتكون مدة الفصل الدراسي الاعتيادي من 12 : 16 أسبوع، ومدة الفصل الصيفي 8 أسابيع، وتكون الدراسة فيه اختيارية. 

ويوجد بها 6 كليات، هي: (كلية إدارة الأعمال – كلية دراسات الحاسوب – كلية اللغات – كلية الإعلام والاتصال الجماهيري – كلية التصميم الجرافيكي وتكنولوجيا الوسائط المتعددة – كلية التربية.)

وتمنح ​​الجامعة شهادتين: شهادة مصرية معتمدة من المجلس الأعلى للجامعات، وشهادة تانية بريطانية من الجامعة المفتوحة ببريطانيا للبرامج دي: (إدارة الأعمال – تقنية المعلومات والحوسبة – اللغة الإنجليزية وآدابها.)

وتمنح الجامعة كذلك شهادة معتمدة من المجلس الأعلى للجامعات للبرامج دي: (الإعلام – تقنية الوسائط المتعددة والتصميم الجرافيكي- التربية.)​

شروط الالتحاق بالجامعة العربية المفتوحة

تختلف شروط الالتحاق بالجامعة العربية المفتوحة من كلية للتانية، بس كلها بتشترك في أنها بتعتمد على درجات الثانوية العامة، الدبلومة الأمريكية، والثانوية الإنجليزية مع اختلاف الدرجات من كلية للتانية؛ فمثلُا كلية إدارة أعمال تقبل من 53 % في الثانوية العامة، أما كلية تقنية المعلومات والحوسبة فتقبل من 60 % في الثانوية العامة.

وكمان لازم الطالب، اللي عايز يلتحق ببرنامج  تقنية الوسائط المتعددة والتصميم الجرافيكي، يجتاز اختبار القدرات، مع تقديمه لمجمل أعماله الفنية اللي بتعكس قدرته على الرسم والابتكار.

وبكده نكون عرضنا لك كل تفاصيل خدمة مصاريف الجامعة العربية المفتوحة بالتقسيط مع شركة أدڤا. عايزين نعرفك كمان أن أدڤا بتقدملك إمكانية تقسيط أكتر من خدمة في نفس الوقت، يعني مع تقسيط مصاريف الجامعة العربية المفتوحة، ممكن تقدم على تقسيط مصاريف الجامعات الحكومية، أو تقسيط الدورات التدريبية والكورسات، أو تقسيط مصاريف المدارس.