الدراسة قربت، وجه وقت دفع المصاريف، ومش عايز تدفعها كاش؟ أدڤا بتقدملك الحل من خلال خدمة دفع مصاريف الجامعة الكندية الدولية CIC بالتقسيط، على أطول فترة سداد بتوصل لـ 12 شهر وبأقل سعر فائدة؛ عشان تبدأ دراستك وأنت مش شايل هم حاجة.

مصاريف الجامعة الكندية الدولية CIC بالتقسيط 

هدف شركة أدڤا – وهي أول شركة تقسيط خدمات في مصر- هي أنها تساعدك في الحصول على الخدمات اللي عايزها من غير ما تشيل هم الدفع كاش أو غلاء الأسعار، وعشان كده بتقدملك خدمة دفع مصاريف الجامعة الكندية الدولية CIC بالتقسيط على فترات سداد مرنة.

وبتقوم سياسة أدڤا على أنها بتدفعلك مصاريفك كاملة للجامعة الكندية الدولية، وبعد كده أنت بتقسط المبلغ ده لشركة أدڤا على فترة السداد اللي تختارها سواء ٦ شهور أو ٩ شهور أو ١٢ شهر، وبأسهل الاجراءات وأبسط الشروط.

وقبل ما نعرضلك مصاريف المعهد الكندي العالي، وخطوات وشروط التقسيط مع شركة أدڤا؛ هنقولك شوية معلومات عن المعهد.

تفاصيل الدراسة في المعهد الكندي العالي

• المعهد الكندي العالي هو معهد خاص بيمنح شهادات بكالوريوس كندية، وهو الوحيد من نوعه في مصر، وله فرعين الأول في التجمع الخامس، والتاني في الشيخ زايد.
• وبيتم إعتماد شهادات البكالوريوس المقدمة من المعهد الكندي العالي من المجلس الأعلي للجامعات في مصر، ومن جامعة كيب بريتون في كندا.
• ويمكن لجميع خريجي المعهد التسجيل في النقابات التابعة لتخصصهم.
• وبيوفر المعهد للطالب المتفوق منحة دراسية إلى كندا لاستكمال الدراسة بمقر الجامعة هناك.
  

أقسام جامعة CIC الكندية المعهد الكندي العالي

الجامعة الكندية الدولية بتضم 5 معاهد، وهي:

1. معهد الهندسة، موجود في فرع الشيخ زايد وفرع القاهرة الجديدة.
2. معهد الإعلام، موجود في فرع القاهرة الجديدة فقط.
3. معهد إدارة الأعمال، موجود في فرع الشيخ زايد وفرع القاهرة الجديدة.
4. معهد إدارة تكنولوجيا المعلومات، موجود في فرع الشيخ زايد وفرع القاهرة الجديدة.
5. معهد علوم الحاسب، موجود في فرع القاهرة الجديدة فقط.

• وبيدرس الطالب 5 مواد في الترم في معهد إدارة ومعهد إعلام، وفي معهد هندسة بيدرس 6 مواد، وفي الحاسب الآلي بيدرس 15 ساعة معتمدة، وممكن عدد المواد تزيد بداية من الترم التاني حسب مستوى الطالب.
  

مصاريف المعهد الكندي العالي CIC

بتختلف مصاريف المعهد في فرع القاهرة الجديدة عن فرع الشيخ زايد، وبتختلف من سنة دراسية للتانية.

مصاريف الكلية الكندية الدولية في التجمع الخامس:

• معهد الهندسة:
  البرنامج المصري: حوالي 18633 جنيه مصاريف في الترم.
  البرنامج المشترك :18633 + 12000 جنيه مصري في الترم.
• معهد إدارة أعمال/ إدارة تكنولوجيا المعلومات:
  البرنامج المصري: حوالي 16120 جنيه مصري في الترم.
  البرنامج المشترك: 16120 + 12000 جنيه مصري في الترم.
• معهد الإعلام:
  البرنامج المصري: حوالي 14312 جنيه مصري في الترم.
  البرنامج المشترك: 14312 + 12000 جنيه مصري في الترم.
• معهد الحاسب الآلي:
  البرنامج المصري: حوالي 10287 جنيه مصري في الترم.

مصاريف المعهد الكندي العالي في الشيخ زايد:

• معهد الهندسة:
  البرنامج المصري: حوالي 16490 جنيه مصاريف في الترم.
  البرنامج المشترك: 16490 + 12000 جنيه مصري في الترم.
• إدارة الأعمال/ إدارة تكنولوجيا المعلومات:
  البرنامج المصري: حوالي 8750 جنيه مصري في الترم.
• البرنامج المشترك: 8750 + 12000 جنيه مصري في الترم.

كل المصاريف في أي تخصص بيزيد عليها المصاريف الإدارية، واللي بتشمل: (تدريب – تأمين المعامل – تأمين الحياة لولي الأمر – الأنشطة والحفلات – تطبيق الـ CIC)، مع العلم أن المصاريف الإدارية بتتحدد مع مكتب الحسابات في المعهد والأرقام دي مش نهائية. 

خطوات تقسيط مصاريف المعهد الكندي العالي

عشان تدفع مصاريف التحاقك بالجامعة الكندية كاملة من غير تأخير أو تأجيل؛ شركة أدڤا سهلتلك خطوات التقسيط معاها، واللي بتبدأ بأنك هتدخل على خدمة تقسيط مصاريف الجامعات الخاصة، وبعدين تكتب البيانات اللي هتكون عبارة عن:

• اسمك الأول والأخير، ورقم موبايلك.
• المرحلة التعليمية (الجامعات.)
• إجمالي المصاريف اللي عايز تقسطها.
• بعدين خطة التقسيط المناسبة ليك من بين: (6 شهور – 9 شهور – 12 شهر.)
• وأخيرًا تضغط على تقديم الطلب.
• وبعد ما تخلص كتابة كل البيانات؛ هنتواصل معاك خلال 48 ساعة بحد أقصى عشان تبدأ في إجراءات التقسيط.

الأوراق المطلوبة لتقسيط المصروفات الدراسية للجامعة الكندية الدولية

عشان شركة أدڤا تسهل عليك أكتر وأكتر؛ بتطلب أوراق بسيطة وسهلة عشان تقسط معاها مصروفات الجامعة الكندية، وده اللي بيميز الشركة عن غيرها من شركات التقسيط؛ فهتلاقيها بتطلب:

• بطاقتك الشخصية (بطاقة الرقم القومي سارية.)
• أي إثبات لمصدر الدخل، زي: كشف حساب بنكي، أو إيجار موثق في الشهر العقاري، أو رخصة عربيتك، أو السجل التجاري وبطاقة ضريبية، أو المعاش، أو شهادة وديعة بنكية، أو بطاقة ائتمان تسهيل بنكي، أو عضوية نادي، أو شهادة وديعة بنكية، أو مفردات مرتب.

طريقة التقديم في المعهد الكندي العالي

بيتم التقديم في المعهد الكندي العالي عن طريق التنسيق الوزاري، واللي بعد ما بتدخل عليه هتختار المعهد كرغبة أولى، وهتلاقيه موجود بالاسم ده حسب التخصص والمقر: 

بالنسبة لمقر التجمع الخامس:

755 – معهد عالي كندي تكنولوجيا هندسة ت خامس – القاهرة.

756- العالي الكندي تكنولوجيا إدارة تجمع خامس – القاهرة.

789 – ع.كندي تكنو.إعلام ت خامس- القاهرة.

1055 -المعهد الكندي العالي للحاسب الآلي بالتجمع الخامس القاهرة الجديدة علوم

1093- المعهد الكندي العالي للحاسب الآلي بالتجمع الخامس القاهرة الجديدة

أما بالنسبة لمقر الشيخ زايد:

1210- المعهد الكندي العالي للهندسة 6 أكتوبر- جيزة.

1215- المعهد الكندي العالي للإدارة 6 أكتوبر- جيزة.
وبعد كده بتابع نتيجة القبول في موقع التنسيق الوزاري.

وبكده نكون عرفناك كل اللي يخص خدمة مصاريف الجامعة الكندية CIC بالتقسيط عن طريق شركة أدڤا.. نحب نقولك كمان أن خدمات أدڤا ما وقفتش عند كده! لأن أدڤا بتقدملك إمكانية تقسيط أكتر من خدمة في نفس الوقت، يعني مع تقسيط مصاريف الجامعة الكندية CIC، ممكن تقدم على  تقسيط الدورات التدريبية والكورسات، أو تقسيط مصاريف الجامعات الأهلية، أو تقسيط مصروفات الجامعات الخاصة.