تحسين البصر؟ علاج أو تخفيف المشاكل الصحية الناتجة عن تدلي الجفون؟ تحسين المظهر؟ زيادة الثقة بالنفس؟ بتعاني من سبب أو أكتر من مشاكل ترهل الجفون؟ ولازم تعمل العملية عشان تتخلص من الترهلات والدهون الزايدة والجيوب تحت العين بس العملية مكلفة ومش عايز تدفع تكلفتها كاش وتأثر على ميزانيتك في ضروريات تانية؟ شركة أدڤا -أول شركة تقسيط خدمات في مصر- هتساعدك تعمل العملية في أسرع وقت عن طريق خدمة عمليات شد وتجميل الجفون بالتقسيط على دفعات شهرية مرنة وطويلة وأقل سعر فائدة وأسهل إجراءات.

عمليات شد وتجميل الجفون بالتقسيط

عملية شد الجفن أو Blepharoplasty مش بس بتتعمل لأسباب تجميلية؛ دي كمان ضرورية للتخلص من مشاكل صحية مختلفة تخص الرؤية وصحة العين، وأيًا كان السبب اللي مخليك عايز تعمل العملية؛ أدڤا هتساعدك في تحقيقه من غير ما تشيل هم التكلفة أو الدفع كاش.. إيه اللي بيحصل وإزاي؟

اللي بيحصل أنك بتختار الجراح اللي هيعملك العملية، وتعرف تكلفتها؛ بعد كده تكلمنا في أدڤا اللي هتساعدك في دفع التكلفة المطلوبة منك كاملة كاش مهما كانت، وبعد كده بيتم سداد المبلغ بالتقسيط على فترات سداد متنوعة بتختار من بينها الأنسب ليك، واللي بتبدأ من 6 شهور لـ60 شهر.

أسباب شد جفن العين

وفقًا لموقع الطبي في أشخاص بتعمل عملية شد الجفن لأغراض طبية، وأشخاص تانية بتعملها لأسباب تجميلية، بمعنى:

• لتحسين الرؤية: مع التقدم في العمر الجلد بيفقد مرونته وده بيسبب ترهل جلد الجفن العلوي فوق الرموش وإعاقة الرؤية، في حين أن ترهل الجفن السفلي بيسبب ظهور تجاعيد وكمان ممكن يحصل انتفاخ في الجفون بسبب تجمع الدهون، وعشان كده بتعمل عملية قص الجفون لعلاج:
• حجب جزء من مجال الرؤية خاصة من جانب العين.
• التخلص من الصعوبة اللي ممكن يواجهها المريض عند ارتداء العدسات اللاصقة أو النضارات بسبب انتفاخ وترهل الجفن العلوي أو السفلي.
• كمان عشان تتخلص من إجهاد عضلات الجبهة بسبب محاولة رفع الجفون المترهلة على العين.
• تجميل مظهر الجفون: هو السبب التاني لإجراء عملية الشد، عشان تتخلص من ترهل وانتفاخ الجفون بسبب التقدم في العمر وتجميل مظهرها. 

كيفية إجراء عملية شد الجفون

• حسب موقع healthline عمليات الجفون بتتعمل بشكل خارجي، والتخدير الكلي مش بيستخدم إلا لبعض الأشخاص، فعادة بيحقن الجراح مخدر موضعي في جفونك.
• وبيتم علاج الجفون العلوية أولاً من خلال عمل شق صغير وإزالة الجلد الزايد والعضلات وأحيانًا الدهون، وممكن يتم نقل بعض الأنسجة دي إلى مناطق تانية حوالين العين قبل ما يقفل الجراح الشق.
• أما بالنسبة لشد الجفون السفلية فعادة بيتم فيها إزالة الدهون اللي بتسبب ظهور الانتفاخات تحت العين، وكمان إزالة كمية صغيرة من الجلد أحيانًا، والشق بيكون إما على الجانب الداخلي للجفن أو على الجانب الخارجي أسفل الرموش السفلية، وفي بعض الأشخاص، ممكن يتم شد الجفن السفلي أو تثبيته بالهيكل العظمي.

أفضل أطباء ومراكز عمليات تجميل الجفون في مصر

العين جزء أساسي وحساس جدًا في الجسم، عشان كده شركة أدڤا بتتعاقد مع أفضل أطباء ومراكز عمليات شد الجفون العلوية والسفلية، ومنهم:

• دار العيون.
• مركز الخبراء للعيون.
• مركز نور العيون.
• مركز النيل لجراحات العيون.
• مركز بيرفكت فيجن لجراحات العيون والليزك.
• دكتور أحمد رسلان.
• دكتور رامي نبيل.
• دكتور عمر البيومي.
• دكتور أحمد عرمة.
• دكتور مروة الباز.
• دكتور محمد عزب.
• دكتور هبة خضير.
• دكتور عمرو شتا.
• دكتور هيثم عماد.
• دكتور نورا البهي.
• دكتور محمد الجمال.
• دكتور أحمد صيام.
• دكتور أحمد صقر.

تقدر تختار الدكتور أو المركز لإجراء عمليتك من قايمة المتعاقدين مع شركة أدڤا أو من خارجها، بس لو اخترت من خارجها هتدفع مبلغ بسيط إضافي كمصاريف إدارية، ولو عايز تعرف تفاصيل سعر العملية مع كل دكتور من المتعاقدين مع أدڤا حمل تطبيق ADVA الآن من Google Play أو App Store!

سعر عملية شد الجفن العلوي والسفلي

تكلفة عملية شد الجفون بتختلف حسب عوامل كتيرة، زي: خبرة الجراح وشهرته واسمه – المركز أو المستشفى اللي هتم فيه العملية – الأدوات المستخدمة في العملية – نوع البنج – طبيعة الحالة الصحية للمريض، وبيكون متوسط سعر عملية شد وتجميل الجفون 25 ألف جنيه مصري.

اقرأ كمان عن: عمليات الليزك بالتقسيط حتى 60 شهر.. وودع للنضارة!

خطوات تقسيط عملية شد الجفون

تجربتك في تقسيط خدمتك عن طريق شركة أدڤا هتكون سهلة وبسيطة ومافيهاش أي نوع من أنواع التعقيد وفي خلال 48 ساعة فقط هتقدر تبدأ في إجراءات تقسيط عمليتك.. طب إيه هي خطوات التقديم؟

اضغط على تقسيط العمليات وبعد كده هتظهرلك قايمة ببيانات عليك أن تملأها، وهي:

1. اسمك الأول والأخير.
2. رقم موبايلك.
3. اسم الدكتور اللي هتعمل معاه العملية.
4. اختيار التخصص (عيون.)
5. الإجراء الطبي (شد جفون العين.)
6. إجمالي تكلفة العملية.
7. واختار خطة الأقساط المناسبة ليك من بين: (6 شهور – 9 شهور – 12 شهر – 18 شهر – 24 شهر – 60 شهر.)

وفي خلال أقل من 48 ساعة هنكلمك عشان نبدأ إجراءات التقسيط أو حتى عشان نرد على كل استفساراتك!

الأوراق المطلوبة لعملية شد الجفن بالقسط

الجفن هو الدرع الحامي للعين من أي ضرر، وعشان هو جزء مهم وبيأثر على عمل العين وكمان مظهرها؛ شركة أدڤا بتسهلك تقسيط عمليتك من خلالها وبتطلب منك شروط بسيطة، وهي:

1. تقديم بطاقتك الشخصية.
2. تقديم إثبات مصدر دخلك واللي ممكن يكون: كشف حساب بنكي، أو إيجار موثق في الشهر العقاري، أو رخصة عربيتك، السجل التجاري وبطاقة ضريبية، أو المعاش، شهادة أو وديعة بنكية، أو بطاقة ائتمان تسهيل بنكي، عضوية نادي، أو مفردات مرتب.

بكده تكون عرفت كل اللي يخص عمليات شد وتجميل الجفون بالتقسيط؛ تقدر كمان عن طريق أدڤا تقسط أكتر من خدمة في نفس الوقت، يعني مع عملية شد الجفون بالقسط؛ ممكن كمان تقدم على: عملية المياه البيضاء بالتقسيط أو أي عملية تجميلية أو جراحية، وأي خدمة تانية تخطر على بالك!