بتعاني من ضعف السمع ومحتاج تشتري سماعة في أقرب وقت ممكن عشان تتخلص من الإحراج، وفي نفس الوقت تقدر تمارس حياتك اليومية بشكل طبيعي من غير أي مشاكل أو بذل مجهود مضاعف، بس أسعار السماعات في ارتفاع مستمر ومش عايز تشتريها كاش، أو خايف تزنق نفسك في مصاريف تانية مهمة برضه؟ مع شركة أدڤا -أول شركة تقسيط خدمات في مصر- تقدر تشتري سماعات طبية بالتقسيط مهما كان سعرها على فترات سداد طويلة بتوصل لـ60 شهر بأبسط الإجراءات ومن غير شروط معقدة تقف قدامك، وودع مشاكل السمع للأبد من غير ما تشيل الهم وتحسبلها حسابات كتيرة.

سماعات طبية بالتقسيط

سماعة الأذن هي عبارة عن جهاز إلكتروني بيشتغل بالبطاريات، حجمه صغير عشان يقدر المريض يلبسه وراء الأذن أو جواها، وبيتكون من ميكروفون بيلقط الأصوات من الخارج، ومكبر صوت بيضخم الأصوات اللي بتوصله من خلال الميكروفون، وجهاز استقبال بيستقبل الأصوات المُعدلة دي ويبعتها إلى الأذن.

وعن طريق شركة أدڤا تقدر تشتري سماعات اذن طبية بالقسط، واللي بيحصل أن أدڤا بتدفعلك التكلفة المطلوبة منك لشراء السماعة لأي مركز تختاره سواء من شبكة المتعاقدين معاها أو خارجها، وبعد كده أنت بتسدد المبلغ اللي تدفع لأدڤا نفسها بالقسط على فترات سداد طويلة بتختاره بنفسك وبتوصل لحد 60 شهر. 

أنواع سماعات الاذن الطبية لضعاف السمع 

أنواع سماعات الأذن الطبية كتيرة، وبيختلف نوع السماعة المناسب من مريض للتاني على حسب رسم السمع اللي الدكتور المعالج بيطلب من المريض أنه يعمله، وعلى أساس رسم السمع ده بيقدر الدكتور يختار أنسب نوع سماعة من أنواع السماعات المختلفة لمريضه، ده غير كمان أن أساسًا السماعة دي بتتبرمج على أساس رسم السمع اللي المريض عمله، يعني بمعنى أوضح مافيش حد يقدر يختارلك السماعة المناسبة ليك غير دكتورك بس.. ومن أنواع سماعات ضعاف السمع: 

• سماعة وراء الأذن، وبتكون مناسبة لجميع الأعمار، وبتناسب جميع درجات ضعف السمع.
• سماعة داخل الأذن، حجمها بيكون أصغر شوية من السماعة اللي بتتحط وراء الأذن، وبتتركب في صيوان الأذن.
• سماعة بتتركب داخل قناة الأذن، ودي بتدخل جزئيًا في قناة الأذن. 
• سماعة CIC بتكون كلها جوة قناة الأذن، ومافيش حاجة باينة منها تمامًا، يعني بيتم تثبيتها بالكامل في عمق  قناة الأذن.

اماكن بيع سماعات الأذن الطبية

تتعاقد شركة أدڤا مع مكانين من أفضل أماكن لبيع سماعات لضعاف السمع بالتقسيط، وهما:

• AL haiah prosthetics الحياة للأطراف الصناعية.
• Doctor Ahmed Galal دكتور أحمد جلال.

تقدر تختار المكان الأنسب ليك من بينهم عشان تشتري سماعتك، أو تختار أي مكان تاني خارج شبكة المتعاقدين مع أدڤا بس ساعتها هتدفع مبلغ بسيط إضافي كمصاريف إدارية.

أسعار سماعات الأذن لضعاف السمع

متوسط سعر سماعات الأذن الطبية في مصر بيتراوح من 4000 جنيه مصري لأكتر من 15 ألف جنيه مصري أو أزيد، والسعر بيختلف من سماعة للتانية وبيزيد أو يقل حسب عوامل كتيرة جدًا من ضمنها:

• درجة السمع عند المريض.
• نوع السماعة وحجمها.
• ماركة السماعة وبلد الصنع.
• طريقة تشغيلها.

خطوات تقسيط سماعات ضعف السمع

دلوقتي تقدر تشتري سماعات طبية بالتقسيط من خلال اتباع خطوات بسيطة جدًا ما بتاخدش لا وقت ولا مجهود، واللي بتبدأ بالضغط على تقسيط الخدمات الطبية، وبعدها هيظهرلك قايمة ببيانات عليك أنك تملاها، وعلينا نكلمك بعد 30 دقيقة وبحد أقصى 48 ساعة عشان نبدأ إجراءات التقسيط، والبيانات دي هي:

• اسمك الأول والأخير.
• رقم موبايلك.
• اسم الدكتور (واللي هتكتب فيه المكان اللي هتشتري منه السماعة.)
• التخصص (تختار أخرى.)
• الإجراء الطبي (شراء سماعة أذن طبية.)
• إجمالي التكلفة.
• اختيار خطة القسط المناسبة ليك من بين: (6 شهور أو 9 شهور أو 12 شهر أو 18 شهر أو 24 شهر أو 60 شهر.)

الأوراق المطلوبة لشراء سماعات الاذن الطبية بالتقسيط

عشان تقدر تسمع أصوات اللي بتحبهم بدرجة واضحة في أسرع وقت ممكن؛ شركة أدڤا بتطلب منك ورقتين بس عشان تشتري سماعات الاذن الطبية بالتقسيط، وهما:

•  بطاقتك الشخصية (سارية.) 
• أي إثبات لمصدر الدخل، زي: مفردات مرتب أو كشف حساب بنكي، رخصة عربيتك أو السجل التجاري وبطاقة ضريبية، إيجار موثق في الشهر العقاري، المعاش، وبطاقة ائتمان أو تسهيل بنكي، شهادة أو وديعة بنكية، أو عضوية نادي.

سجل بياناتك دلوقتي وخلي الكاش علينا

قسط مع أدڤا كل اللي محتاجه من خدمات في وقت واحد! يعني مع شراء سماعات طبية بالتقسيط تقدر كمان تقدم على تقسيط العمليات الجراحية أو أي خدمة بتحتاجها في حياتك اليومية!