عملية ربط عنق الرحم هي الحل الوحيد قدامك عشان تحمي نفسك من الإجهاض أو الولادة المبكرة؟ تقدري دلوقتي تحافظي على حملك من غير ما تشيلي هم التكاليف المرتفعة للعملية من خلال خدمة ربط عنق الرحم بالتقسيط اللي بتقدمهالك شركة أدڤا -أول شركة تقسيط خدمات في مصر- على فترات سداد طويلة ومرنة بتختاريها بنفسك حسب ميزانيتك وبأبسط شروط وإجراءات عشان ما تفكريش غير في سلامتك وسلامة طفلك.

ربط عنق الرحم بالتقسيط

في عملية ربط عنق الرحم بيتم غلق عنق الرحم في فترة الحمل لمنع حدوث إجهاض أو ولادة مبكرة في الحالات اللي بتستدعي الإجراء ده، ولأنه إجراء مهم والوسيلة الوحيدة في حالات كتيرة للحفاظ على الحمل واستمراريته؛ شركة أدڤا بتساعدك تعملي العملية مع الدكتور اللي تختاريه سواء من شبكة المتعاقدين معاها أو من خارجها مهما كانت التكلفة.. طب إيه اللي بيحصل؟

اللي بيحصل أنك بعد ما بتعرفي تكلفة العملية المطلوبة منك بتكلمينا في أدڤا اللي بتساعدك في دفع المبلغ المطلوب منك كامل كاش للدكتور اللي اختارتيه، وبعد كده أنتي بتسددي المبلغ ده بالقسط على فترات سداد طويلة ومرنة بتختاريها برضه بنفسك حسب ظروفك وإمكاناتك، واللي بتبدأ من 6 شهور لحد 60 شهر.

ما هي عملية ربط عنق الرحم؟

• زي ما وضحنالك، عملية ربط عنق الرحم هي عملية بيتم فيها غلق عنق الرحم في فترة الحمل لمنع حدوث إجهاض أو ولادة مبكرة الناتجة عن ارتخاء عنق الرحم، وتمنع فتح عنق الرحم قبل نهاية الحمل ومع اقتراب انتهاء الحمل بتتشال الخيوط، وعادة بتم العملية في الشهر التالت أو الرابع من الحمل.
• وممكن ينتج عن العملية حدوث بعض المضاعفات، منها: تقلصات في الرحم أو نزول دم بسيط بعد العملية أو الشعور بآلام أسفل البطن أو نزول إفرازات مهبلية.
• وحسب موقع الطبي فيه أسباب لإجراء عملية ربط عنق الرحم، منها: وجود تاريخ للإجهاض المبكر في الثلث الثاني من الحمل، أو لو عملتي ربط عنق الرحم في حمل سابق، أو أن عنق الرحم بيفتح في الثلث الثاني من الحمل مع اتساع غير مؤلم في عنق الرحم، أو في حال تعرضتي بشكل مسبق للولادة المبكرة واللي بتم قبل 34 أسبوع من الحمل مع حدوث قصر عنق الرحم قبل الأسبوع 24 من الحمل.
• ولازم قبل العملية تتأكدي من عدم إصابتك بأي التهابات، وتاخدي مسحة عنق الرحم أو عينة من السائل المحيط بالجنين، وإجراء صورة للموجات فوق الصوتية للرحم، والامتناع عن الجماع قبل العملية بأسبوع.

أفضل أطباء ربط عنق الرحم

عشان سلامتك وسلامة جنينك وإتمام حملك على خير؛ تتعاقد شركة أدڤا مع أكفأ أطباء وأفضل مستشفيات ربط عنق الرحم في مصر، ومنهم:

• دكتور ماجد السعداوي.
• دكتور محمد حامد.
• دكتور بسيوني محمد.
• مركز أمان للنساء والولادة.
• الرجا كلينك.
• مركز هيلس بلاس.
• مستشفى رفيدة.
• مستشفى جنة التخصصي.
• مستشفى الزهيري.
• مستشفى المرأة.

تقدري تختاري الدكتور المناسب ليكي من بين شبكة المتعاقدين مع أدڤا أو من خارجها، بس في حال تم الاختيار من خارجها هتدفعي مبلغ بسيط إضافي كمصاريف إدارية.

اسعار ربط عنق الرحم

في عوامل كتيرة بتخلي سعر عملية ربط عنق الرحم صعب تحديده، ومنها مثلًا: خبرة الطبيب اللي هيعمل العملية، وحالة المستشفى أو العيادة اللي هيتم داخلها إجراء العملية، والأدوات المستخدمة، وطبيعة حالتك المرضية، وبشكل عام يكون متوسط سعر عملية ربط عنق الرحم من 7000 جنيه مصري إلى 15000 جنيه مصري.

خطوات تقسيط ربط عنق الرحم

بخطوات بسيطة تقدري تقدمي على عملية ربط عنق الرحم بالتقسيط، وبتبدأ بالضغط على تقسيط العمليات، وبعدها هتظهرلك بيانات بسيطة تمليها، وهي:

• اسمك الأول والأخير.
• رقم موبايلك.
• اسم الدكتور.
• التخصص (نساء وخصوبة.)
• الإجراء الطبي (ربط عنق الرحم.)
• إجمالي التكلفة.
• وتختاري خطة القسط المناسبة ليكي من بين: 6 أشهر – 9 أشهر – 12 شهر – 18 شهر – 24 شهر – 60 شهر.

وفي خلال 30 دقيقة فقط وبحد أقصى 48 ساعة هنتواصل معاكي عشان نبدأ إجراءات التقسيط.

الأوراق المطلوبة لتقسيط عملية ربط عنق الرحم

عشان تقدري تحافظي على حملك في أسرع وقت؛ شركة أدڤا بتطلب منك أوراق بسيطة لتقسيط العملية، وهي:

• بطاقتك الشخصية (سارية المفعول.) 
• إثبات مصدر الدخل، واللي بيكون أي مستند من دول: مفردات مرتب أو كشف حساب بنكي، رخصة عربيتك أو السجل التجاري وبطاقة ضريبية، إيجار موثق في الشهر العقاري، المعاش، و بطاقة ائتمان أو تسهيل بنكي، شهادة أو وديعة بنكية، أو عضوية نادي.

كده نكون عرضنالك كل اللي يخص عملية ربط عنق الرحم بالتقسيط؛ نحب كمان نعرفك أنك تقدري تقسطي أي خدمة تاني في نفس الوقت عن طريق شركة أدڤا؛ يعني مع تقسيط ربط عنق الرحم ممكن كمان تقدمي على تقسيط الولادة أو تقسيط العمليات الجراحية أو التجميلية وعمليات التخسيس وغيرهم الكثير.