تعبتي من محاولات الدايت الكتيرة ومن مشاكل السمنة وفي نفس الوقت خايفة من آثار جراحات التخسيس على جسمك؛ لحد لما عرفتي عملية الـBikini اللي هتوصلك للوزن المثالي والجسم الرشيق من غير أي علامات أو ندوب تشوه منظر الجسم؛ بس عايزة طريقة تعملي بيها العملية في أسرع وقت من غير ما تضطري تدفعي تكلفتها كلها كاش؟ شركة أدڤا -أول شركة تقسيط خدمات في مصر- بتقدملك خدمة تكميم البكيني بالتقسيط بأقل سعر فائدة وعلى أطول فترة سداد ومن غير أي شروط معقدة.. واستمتعي بمظهر مثالي!

تكميم البكيني بالتقسيط

عملية تكميم البكيني من أحدث عمليات التخسيس اللي هتساعدك توصلي لجسم رشيق وتقللي الشعور بالجوع من غير ما تسيبلك أي ندوب تدل على الشقوق الجراحية، وعلشان توصلي للوزن المثالي اللي بتحلمي بيه وتزودي ثقتك في نفسك؛ شركة أدڤا بتساعدك في دفع تكلفة العملية كاملة كاش.. إزاي؟

اللي بيحصل أنك بتختاري الدكتور اللي هيعملك العملية وتحددي معاه التكلفة كاملة؛ وبعد كده بتكلمينا في أدڤا اللي هتساعدك في دفع التكلفة كاش كاملة، وبعده كده أنتي هتسددي التكلفة دي على فترات سداد طويلة ومرنة بتختاريها بنفسك بأقل سعر فائدة.

ما هي عملية البكيني؟

عملية البكيني أو ما يطلق عليها أيضًا “التكميم السري” هي عملية من عمليات السمنة الحديثة اللي بتقلل من الشعور الجوع (تقليل إفراز هرمون الجريلين) وتزيد من شعور الشبع.

وفي العملية بيتم إزالة معظم حجم المعدة بشكل طولي، وترك جزء صغير من المعدة -حوالي 20% من حجمها- على شكل أنبوب، وده بيحصل من خلال فتح شقوق جراحية عند خط البكينى (خط القيصرية الموجود تحت البطن)؛ وإدخال المنظار والأدوات الجراحية منها وإخراج المعدة من غير ترك أي ندوب ظاهرة للعين بعد العملية.

شروط عملية البكيني

في الحقيقة أن مش كل الناس بتكون عملية البكيني مناسبة ليهم، فهي مثلًا غير مناسبة لـ:

• مرضى السمنة المفرطة واللي مؤشر كتلة جسمهم أكتر من 40.
• المصابين بالضغط والسكر والكوليسترول.
• من هم أقل من 18 سنة وأكبر من 65 سنة.
• من سبق لهم إجراء عمليات جراحية في البطن.

 الفرق بين عملية تكميم المعدة وتكميم البكيني 

الفرق بين عملية تكميم المعدة وتكميم البكيني بيكون بس في مكان إجراء العملية، ففي عملية تكميم المعدة بالمنظار التقليدية الشقوق الجراحية بتتعمل في البطن وبتسيب ندوب جراحية ظاهرة، لكن في عملية تكميم البكيني الشقوق بتتعمل في منطقة البكيني من غير ما تسيب أي ندوب في الجسم.

أفضل أطباء تكميم البكيني بالتقسيط

من المهم جدًا أنك تسأل كويس عن خبرة الطبيب وسمعته قبل إجراء عملية البكيني لأنها عملية دقيقة جدًا، ومن دكاترة عملية تكميم البكيني اللي متعاقدة معاهم شركة أدڤا: 

• محمد هاني عاشور.
• دكتور محمد خلف.
• دكتور أحمد المصري.
• دكتور أحمد الشافعي.
• دكتور محمد توفيق.

تقدر تختار الدكتور الأنسب لك من بين شبكة المتعاقدين مع شركة أدڤا أو خارجها، بس لو اخترت من خارجها هتدفع مبلغ بسيط إضافي كمصاريف إدارية.

سعر عملية تكميم البكيني بالتقسيط

في عوامل كتيرة بتخلي تكلفة عملية البكيني بتختلف ومش ثابتة، زي مثلًا خبرة الطبيب المعالج ومهارته، والأدوات المستخدمة، والمستشفى اللي هتم فيها العملية، وطبيعة الحالة الصحية للمريض، وبيكون متوسط سعر العملية حوالي 70,000 جنيه مصري.

خطوات تكميم البكيني بالتقسيط

عشان تجري عملية تكميم البكيني بالتقسيط عن طريق شركة أدڤا؛ عليك بس أنك تضغط على تقسيط العمليات، وبعدها هتظهرلك بيانات بسيطة تملأها، وهي:

• اسمك الأول والأخير.
• رقم موبايلك.
• اسم الدكتور.
• التخصص (جراحات السمنة.)
• الإجراء الطبي (الساسي.)
• إجمالي التكلفة.
• وتختار خطة القسط المناسبة ليك من بين: 6 أشهر – 9 أشهر – 12 شهر – 18 شهر – 24 شهر – 60 شهر.

وفي خلال 30 دقيقة فقط وبحد أقصى 48 ساعة هنتواصل معاك عشان نبدأ إجراءات التقسيط.

الأوراق المطلوبة لتقسيط عملية تكميم البكيني

بشروط بسيطة تقدر تقسط عملية البكيني عن طريق شركة أدڤا، وبتتمثل في تقديم الأوراق التالية:

• بطاقتك الشخصية (سارية المفعول.) 
• إثبات مصدر الدخل، واللي بيكون أي مستند من دول: مفردات مرتب أو كشف حساب بنكي، رخصة عربيتك أو السجل التجاري وبطاقة ضريبية، إيجار موثق في الشهر العقاري، المعاش، و بطاقة ائتمان أو تسهيل بنكي، شهادة أو وديعة بنكية، أو عضوية نادي.

تقدر كمان من خلال شركة أدڤا تقسط أكتر من خدمة في نفس الوقت، يعني مع عملية تكميم البكيني بالتقسيط، ممكن كمان تقسط عملية بالون المعدة أو كبسولة المعدة أو عمليات شفط الدهون أو أي من العمليات الجراحية بكل أنواعها وخدمات تانية كتيرة.