قررت بعد محاولات كتيرة لإنقاص الوزن عن طريق الأنظمة الغذائية وممارسة الرياضة، واللي ما وصلتش من خلالها للنتيجة اللي بتتمناها، من شكل جسم مشدود ومتناسق، أنك تلجأ لعمليات الشفط بس ساعتها واجهت مشكلة أنك مش عايز تدفع كل فلوس العملية مرة واحدة أو محتاج فترة عشان تحوش سعرها؟ مع أدڤا -أول شركة تقسيط خدمات في مصر بتمويل يصل إلى  5 مليون جنيه وفق مصدر الدخل- تقدر تعمل عمليات شفط الدهون بالتقسيط على أطول فترة سداد بتوصل لـ60 شهر من غير ما تشيل هم الدفع كاش أو التحويش أو تفكر تأجل العملية؛ خاصةً مع الشروط والإجراءات البسيطة اللي بتقدمهالك الشركة، واستمتع بشكل مثالي لجسمك.

عمليات شفط الدهون بالتقسيط

من المعتقدات الخاطئة الظن بأن عملية شفط الدهون هي عملية تتم لإنقاص الوزن أو علاج السمنة؛ لكن عملية شفط الدهون الهدف منها تحسين القوام فقط من خلال التخلص من تراكم الدهون في بعض مناطق الجسم التمارين الرياضية والأنظمة الغذائية مش بتجيب معاها نتيجة زي: الصدر – الظهر – البطن – الأرداف – الذراعين – الفخذين – الوركين – الرقبة – التثدي الذكري (تقليل الأنسجة الزائدة في الثدي عند الرجال)، وغيرهم، لكن لإنقاص الوزن في عمليات تانية زي: كبسولة المعدة بالتقسيط  أو عملية بالون المعدة بالتقسيط.

وقبل ما نعرضلك بعض المعلومات عن عملية شفط الدهون، وكل تفاصيل التقسيط مع شركة أدڤا؛ هنقولك إيه علاقة أدڤا بعملية شفط الدهون بالتقسيط: شركة أدڤا كل اللي بتعمله أنها بتسهل عليك إجراء عمليتك في أقرب وقت ممكن من غير ما تشيل هم تكلفة العملية، إزاي؟ من خلال أنها بتدفعلك المبلغ المطلوب منك كامل للمستشفى والدكتور اللي هتعمل معاهم العملية، وبعد كده أنت بتسدد المبلغ اللي أدڤا دفعته لشركة أدڤا نفسها بالقسط على فترة السداد اللي بتختارها بنفسك، واللي بتبدأ من 6 شهور وحتى 60 شهر.

ما هو الوزن المناسب لعملية شفط الدهون؟

• زي ما وضحنالك أن عملية شفط الدهون الهدف منها تحسين القوام وليس إنقاص الوزن، ولكن ده ميمنعش إنك لازم توصل لوزن معين أولًا قبل إجراء العملية، وبيختلف الوزن المناسب لعملية شفط الدهون من شخص للتاني، واللي بيحدده الطبيب المختص مع المريض؛ وعلى سبيل المثال لو كان مؤشر كتلة الجسم أكبر من 35؛ فينصح بإنقاص الوزن، أي يجب ألا يزيد الوزن وقت العملية عن أكثر من 30% من الوزن المثالي؛ فلو وزنك المثالي 60 فأقصى وزن عشان تقدر تعمل العملية لازم يكون في حدود 78 كيلو جرام.
• وفي كل الحالات يجب أن يتم إنقاص الوزن قبل إجراء شفط الدهون، والانتظار حتى يستقر وزنك مع تجنب الخضوع للعملية وأنت لا تزال تفقد الوزن.

شروط عملية شفط الدهون

عشان تعمل عملية شفط الدهون لازم صحتك تكون كويسة ومش بتعاني من أمراض معينة ممكن تمنع إجراء العملية زي مثلا:
– مرض السكر.
– مرض الشريان التاجي.
– ضعف الجهاز المناعي.
– مشاكل تدفق الدم.

فوائد عملية شفط الدهون

– في أغلب الحالات بتم عملية شفط الدهون من أجل أغراض تجميلية، وفي حالات تانية بتم لعلاج حالات مرضية مثل:

• أورام شحمية دهنية حميدة.
• إزالة الجلد الزائد والتشوهات الناتجة عن فقدان الوزن الشديد للمصاب بالسمنة المفرطة.
• حالات تراكم الدهون تحت ثدي الرجال (التثدي.)
• متلازمة الضمور الشحمي واللي بتتراكم الدهون فيها في جزء من الجسم وبيتم فقدها في جزء تاني، وهنا بتم عملية شفط الدهون لإعادة حقنها في مكان آخر في الجسم لتحسين مظهر جسم المريض.

أنواع عمليات شفط الدهون

بتقوم عمليات شفط الدهون جميعها على الأساس نفسه، وهو: تكسير رواسب الدهون وبعد كده بيتم إزالتها من الجسم باستخدام التخدير، والمحلول الملحي مع القنيات (كانيولا)، وهي أنابيب رفيعة بيتم استخدامها لشفط الدهون من تحت الجلد.
ومن طرق تفتيت رواسب الدهون قبل إجراء عملية الشفط: ضغط الماء – الليزر – نبض الموجات فوق الصوتية، وهي مصادر للطاقة؛ لأنها بتولد حرارة بتساعد على تفتيت الخلايا الدهنية لتسهل شفطها، وخطوات عملية الشفط بتتوقف على النوع المستخدم في إجرائها، ومن أساليب أو أنواع شفط الدهون حسبما ذكر موقع الطبي:

• شفط الدهون بالحقن: يتم فيه حقن عدة لترات من محلول معقم (يتكون من محلول ملحي ومخدر الليدوكايين الموضعي ومضيق الأوعية الدموية الإبينفرين) تحت الجلد في المنطقة التي سيتم إزالة الدهون منها، ويسهل المحلول من شفط الدهون ويقلل الألم وفقدان الدم.
• شفط الدهون بالفيزر: يتم في هذا النوع شفط الدهون بالموجات فوق الصوتية، ويتم استخدام هذه الموجات الصوتية لتعطيل الروابط بين الخلايا الدهنية، ويتم تعطيل الاتصال بين الأنسجة الدهنية والعضلات الموجودة تحتها من غير ما يتسبب في أي ضرر للأنسجة السليمة، ويتيح هذا النوع للطبيب الدقة التامة في طريقة إزالة الدهون.
• عملية شفط الدهون بجهاز الكافيتيشن بالموجات فوق الصوتية: في النوع ده بيتم شفط الدهون أو نحت الجسم من غير جراحة، وهو أقل تكلفة من الطرق التقليدية لشفط الدهون، ده غير أن الآثار الجانبية له نادرة والتعافى بعده أسهل، وكمان مش بيحتاج شقوق جراحية بالجلد وبالتالي فهو آمن أكثر.. وجهاز الكافيتيشن بالموجات فوق الصوتية بيعتمد على تقنية الموجات فوق الصوتية لتفتيت الخلايا الدهنية، وبعد كده الجهاز اللمفاوي بيمتص الخلايا الدهنية، ويتم صرفها في الأخير كنفايات من الجسم.
  ومن أنواع شفط الدهون كذلك وفقًا لموقع WebMD: 
• شفط الدهون بالموجات فوق الصوتية: يتم فيها استخدام طاقة الموجات فوق الصوتية تحت الجلد لتمزيق جدران الخلايا الدهنية بحيث يتم تسييل الدهون لشفطها، وهي طريقة مناسبة للمناطق الليفية، زي: صدر الرجال، والظهر، والمناطق التي تم شفط الدهون فيها سابقًا.
• شفط الدهون بالليزر: بينتج الليزر الطاقة اللازمة لإذابة الدهون، وفي النوع ده بيدخل أنبوب رفيع عن طريق شق صغير؛ عشان يوصل طاقة الليزر والحرارة إلى الدهون الموجودة تحت الجلد.

سعر عملية شفط الدهون

بشكل عام بتتراوح تكلفة عملية شفط الدهون من 40 ألف جنيه مصري وحتى  أكثر من 100 ألف جنيه مصري، ومن الصعب تحديد سعر ثابت لعمليات شفط الدهون بالتقسيط؛ لأنه بيتوقف على عوامل مختلفة زي:

• المنطقة اللي هيتم فيها الجراحة.
• حجم الدهون التي سيتم شفطها.
• وقت العملية.
• خبرة الطبيب.
• المستشفى الذي سيتم إجراء العملية فيه.
• رسوم التخدير.
• الفحوصات الطبية.

أفضل أطباء تقسيط عملية شفط الدهون

تتعاقد شركة أدڤا مع مجموعة كبيرة من أفضل وأكفأ الأطباء في مصر لإجراء عمليات شفط الدهون بالتقسيط؛ عشان تقدر تختار الأنسب لك من بينهم، ومنهم:

• دكتور وائل غانم لشفط دهون الذراعين والبطن والأجناب.
• دكتور أحمد عوض لحقن دهون الوجه وتكبير الصدر والمؤخرة البرازيلية.
• دكتور إبراهيم الدسوقي لشفط وشد الفخذين وشفط ورفع المؤخرة.
• دكتور حلمي سليمان لشفط الفخذين.
• دكتور مصطفى الحلو لشفط دهون الخصر 6 ساعات.
• دكتور نهاد الدغيدي لشفط دهون من الثدي (التثدي.)
• مركز القاهرة الدولي لجراحات الثدي والتجميل لشفط دهون من الثدي (التثدي من الدرجة الأولى.)
•  دكتور محمد حسين شفط دهون الصدر للرجال واستئصال غدد لبنية مع شد ترهلات.
• دكتور محمد عبده تثدي درجة تالتة.
• دكتور عبد الرحمن عبد العال تثدي من الدرجة الثانية والرابعة.
• دكتور أحمد لمعي شفط دهون البطن والأجناب والأرداف.
• دكتور محمد عزمي شفط دهون الأرداف بالفيزر للذكور والإناث.
• دكتور أحمد الشازلي لشفط دهون الفخذين.
• دكتور باسم زكي لشفط رجل وظهر وجناب بالفيزر.
• دكتور محمد الكومي لشفط ونحت الفخذين.
  وتقدر كمان تقدم على عمليات شفط الدهون بالتقسيط عن طريق شركة أدڤا مع أطباء خارج شبكة المتعاقدين مع الشركة مع دفع مبلغ بسيط زيادة للمصاريف الإدارية.

خطوات التقديم على عملية شفط الدهون بالتقسيط

خطوات التقديم على عمليات شفط الدهون بالتقسيط عن طريق شركة أدڤا مش بتحتاج غير ثواني، وأول خطوة هي الضغط على تقسيط العمليات، وبعد كده هيظهرلك قايمة ببيانات عشان تملأها، واللي فيها: 

• اسمك الأول والأخير.
• رقم موبايلك.
• اسم الدكتور اللي هتعمل معاه العملية.
• اختيار التخصص (جراحة تجميلية.)
• الإجراء الطبي (شفط الدهون.)
• إجمالي تكلفة العملية.
• اختيار خطة الأقساط المناسبة ليك، ما بين: (6 شهور – 9 شهور – 12 شهر – 18 شهر – 24 شهر – 60 شهر.)
  وفي خلال من 30 دقيقة وبحد أقصى 48 ساعة هنتواصل معاك عشان نبدأ إجراءات التقسيط.

شروط إجراء عملية شفط الدهون بالتقسيط والأوراق المطلوبة

الوصول لجسم متناسق مش محتاج غير ورقتين بس عشان تقدم على عمليات شفط الدهون بالتقسيط وتنسى الكاش مع شركة أدڤا، وهما:

• تقديم بطاقتك الشخصية.
• تقديم إثبات مصدر دخلك واللي ممكن يكون: كشف حساب بنكي، أو إيجار موثق في الشهر العقاري، أو رخصة عربيتك، السجل التجاري وبطاقة ضريبية، أو المعاش،  شهادة أو وديعة بنكية، أو بطاقة ائتمان تسهيل بنكي، عضوية نادي، أو مفردات مرتب.

وبكده نكون عرفناك كل حاجة تخص عمليات شفط الدهون بالتقسيط، وكمان ممكن مع أدڤا تقسط أكتر من خدمة في نفس الوقت يعني مع تقسيط شفط الدهون تقدر تقدم على أي نوع من العمليات الجراحية بالتقسيط.