عمليات العيون من الإجراءات الطبية المهمة والحساسة بشكل كبير لأنها بتم في جزء من أجزاء الجسم شديدة الحساسية، واللي مينفعش معاها أي إهمال أو تأخير. وبيختلف سعر كل عملية حسب عوامل كتيرة من أبرزها مثلًا اسم الطبيب المعالج والمستشفى والأدوات المستخدمة، ومع كل عملية بيكون السعر من أكتر الأسباب المؤثرة في اتخاذ القرار بإجراء العملية من عدمه، وعشان كده شركة أدڤا -أول شركة تقسيط خدمات في مصر- بتقدملك إمكانية تقسيط تكلفة أي عملية مهما كانت بأسهل الإجراءات وعلى فترات سداد طويلة ومرنة، وقبل ما نقولك الشروط والإجراءات؛ خلينا نتعرف على أسعار عمليات العيون.

أسعار عمليات العيون

• المشاكل الصحية اللي ممكن تصيب العين وتأثر على الرؤية كتيرة ومتنوعة، بس مهما كانت المشكلة معقدة وصعبة؛ شركة أدڤا بتتعاقد مع أفضل أطباء جراحات العيون في مصر، واللي ممكن تعمل العملية مع أي جراح فيهم بالتقسيط، وممكن كمان تعمل عمليتك مع أي جراح تاني خارج شبكة المتعاقدين بس مع دفع سعر بسيط إضافي كمصاريف إدارية.
• ومهما كان سعر العملية تقدر تقسطه عن طريق شركة أدڤا على فترات سداد طويلة ومرنة بتوصل لـ60 شهر.. إزاي؟ بتختار الطبيب المعالج وتعرف سعر العملية؛ وشركة أدڤا بتساعدك في دفع التكلفة المطلوبة منك كاملة كاش؛ وبعد كده بتسدد التكلفة على فترات سداد متنوعة بتختار من بينها الأنسب ليك.
• وبيتوقف سعر عمليات العيون على عوامل عديدة، منها مثلًا: طبيعة الحالة المرضية، أو الأدوات المستخدمة، وخبرة الطبيب المعالج، وكمان اسم المستشفى، ونوع العملية، فجراحات العيون عديدة، ومنها الشائع زي عمليات الليزك وشد الجفون والمياه البيضاء، أو المعقد زي عمليات القرنية، وبتتراوح أسعار عمليات العيون من حوالي 11 ألف جنيه مصري لأكتر من 55 ألف جنيه مصري وبعض العمليات بتتعدى الـ100 ألف جنيه مصري.

ودلوقتي خلينا نتعرف على متوسط أسعار عمليات العيون المختلفة.

سعر عملية تسليك القناة الدمعية

• في نوعيات عمليات الجهاز الدمعي بيتم علاج انسداد القنوات الدمعية، والجراحة المستخدمة في العلاج بتتسمى “مفاغرة كيس الدمع بالأنف”، والجراحة دي بتفتح مسار للدموع لتصرف خارجة من الأنف مرة تانية.
•  ومتوسط أسعار عمليات الجهاز الدمعي بيكون حوالي 11 ألف جنيه مصري.

سعر عمليات شد الجفون

• بالنسبة لعمليات شد الجفون فمنها بيكون بغرض تجميلي، ومنها بيكون بغرض علاج مشاكل صحية بتأثر على الرؤية وصحة العين، وخلال العملية بيتم عمل شق صغير وإزالة الجلد الزايد والعضلات والدهون.
•  وبيكون متوسط سعر عملية شد الجفون حوالي 25 ألف جنيه مصري.

سعر عمليات الحجاج ومقلة العين

• وظيفة الحجاج، أو ما يُسمى المدار، هي حماية واستقرار العين، وبيتكون الحجاج من تجويف العضم المحيط بالعين وعضلات العين الإضافية والأنسجة والدهون المدارية.
•  وبتم عملية الحجاج لعلاج مشاكل عدة متعلقة بالعين، منها: جحوظ العين نتيجة اختلال إفرازات الغدة الدرقية – جراحة أورام الحجاج – كسور حجاج العين – توسيع الحجاج – إصلاح انفجار مقلة – تركيب كرة صناعية.
•  وبيكون متوسط سعر العملية حوالي 14 ألف جنيه مصري.

سعر عمليات الملتحمة والصلبة

• الملتحمة هي المنطقة اللي فيها مادة مخاطية في العين، وبتبطن الجفون من الداخل، وممكن المنطقة دي تتعرض للإصابة بالالتهاب البكتيري والفيروسي، وبالتالي الملتحمة والعين كلها ممكن تتأذي، وهُنا ممكن يحتاج الجراح ترميم الملتحمة للحفاظ على سلامة العين قدر الإمكان.
• ويقدر متوسط تكلفة العملية بحوالي 12 ألف جنيه مصري.

سعر عمليات الشبكية والجسم الزجاجي

• بتقوم عملية استئصال الجسم الزجاجي على إزالة المادة الهلامية من العين لمعالجة مشاكل الرؤية اللي بتسببها الاضطرابات اللي بتصيب الجزء الداخلي ده من العين.
• ويبلغ متوسط سعر العملية حوالي 15 ألف جنيه مصري.

سعر عمليات المياه الزرقاء والخزانة الأمامية

• المياه الزرقاء أو الجلوكوما أو ارتفاع ضغط العين هي حالة بتصيب العين وتخلي لونها أزرق أو رمادي، يعني هي بتغير في لون القرنية، وبتتسبب في تلف العصب البصري اللي بينقل معلومات الرؤية من العين إلى الدماغ وهو لا غنى عنه للرؤية. 
• وفي عملية إزالة المياه الزرقاء من العين بيتم خفض ضغط العين والحفاظ على صحة العصب البصري وفتح القنوات المغلقة لتصريف السوائل المائية وبالتالي تحسين القدرة على الرؤية إلى حد ما.
• وسعر عملية المياه الزرقاء بيكون حوالي 16 ألف جنيه كمتوسط.

سعر عمليات الحول

• في عملية الحول بيتم تحريك عضلات العين المسؤولة عن توجيه العين بشكل منتظم وصحيح، وبتقوم العملية على الفصل الجراحي لواحدة أو أكتر من عضلات كرة العين أو أوتارها.
• وتكلفة عملية الحول بيكون متوسطها حوالي 22 ألف جنيه مصري.

سعر عمليات القرنية

• عمليات زراعة القرنية أو ما تُسمى رأب القرنية، هي عملية جراحية بيتم فيها إزالة قرنية العين المتضررة واستبدالها بأنسجة سليمة من متبرع.
• وسعر عمليات القرنية يكون متوسطها حوالي 55 ألف جنيه مصري.

سعر عمليات المياه البيضاء

• المياه البيضاء بتسبب عتامة على عدسة العين، وخلال العملية بيتم شفط عدسة العين اللي فيها عتامة واستبدالها بعدسة تانية صناعية نقية.
• ويبلغ متوسط سعر عملية المياه البيضاء حوالي 11 ألف جنيه مصري.

اعرف تفاصيل: عملية المياه البيضاء بالتقسيط

سعر الليزك وتصحيح الإبصار بالليزر

• الليزك هو عبارة عن جراحة لتصحيح الرؤية عند المرضى اللي بيعانوا من قصر النظر أو طول النظر أو الاستجماتيزم.
• وبتصحح عملية الليزك شكل القرنية من خلال أشعة الليزر اللي بتصحح أي مشاكل في انعكاسات الرؤية والنظر.
• ومتوسط أسعار عملية الليزك حوالي 13 ألف جنيه مصري.

شوف تفاصيل: عمليات الليزك بالتقسيط 

شركة أدڤا بتتعاقد مع أفضل الأطباء لإجراء عمليات العيون المختلفة بالتقسيط على 60 شهر! حمل أبلكيشن أدڤا دلوقتي من Google Play أو App Store واعرف أسماء جميع الدكاترة وأسعار كل عملية بالتفصيل!

خطوات تقسيط عمليات العين

عشان تقدر تقسط تكلفة أي عملية من عمليات العيون المختلفة من خلال شركة أدڤا؛ كل اللي هتحتاجه أنك تضغط على تقسيط العمليات، وبعدها تملأ البيانات اللي هتظهرلك، وهي:

• اسمك الأول والأخير.
• رقم موبايلك.
• اسم الدكتور.
• التخصص (عيون.)
• الإجراء الطبي (اكتب نوع العملية اللي محتاج تعملها.)
• إجمالي التكلفة.
• اختار خطة السداد المناسبة ليك من بين: (6 شهور أو 9 شهور أو 12 شهر أو 18 شهر أو 24 شهر أو 60 شهر.)
• واضغط على تقديم الطلب وهنتواصل معاك خلال 30 دقيقة وبحد أقصى 48 ساعة عشان نبدأ إجراءات التقسيط.

نحب نعرفك كمان أن مع شركة أدڤا تقدر تقسط أكتر من خدمة في نفس الوقت؛ يعني مع أسعار عمليات العيون ممكن كمان تقدم على تقسيط العمليات الجراحية بكل أنواعها أو أي خدمة تخطر على بالك!